叮叮!坐著叮叮來到跑馬地電車站,為了甚麼?就是為了在跑馬地的一家以 Burrata 流心芝士作主打的意大利菜餐廳!Cielos Cafe& Bar 為一家意大利小酒館,除了剛剛提到的流心芝士之外,這裡的意大利手工啤酒也別有一番風味,適合一家大小,或一班朋友前來聚餐。
文、圖:Karen @ 實習小編

跑馬地 意大利餐廳 Cielos Cafe & Bar — 朋友聚餐好選擇

唔知大家喺疫情期間有幾耐冇出過國呢?想喺香港試一啲唔同地方嘅特色菜,感受意式文化?咁相信位於跑馬地嘅 Cielos Cafe & Bar一定可以滿足到你嘅要求啦!無論喺同學聚餐、朋友之間想搵個地方chill下同傾下偈,Cielos Cafe& Bar 都係一個好地方!

跑馬地意菜大廚呈獻:手工製Burrata流心芝士 只有兩日保鮮期?

Cielos Cafe& Bar 最大嘅賣點就一定係佢地自家製嘅Burrata流心芝士。Burrata流心芝士係每日新鮮製造,不含防腐劑,所以只有兩日保鮮期,但係就係因為總廚堅持每日新鮮製造,味道同口感先會保持到最佳水準。Burrata流心芝士質感鬆軟,可以配以番茄等一同品嚐,也可以用作沙律、薄餅和意粉嘅素材一齊配搭,別有另一番風味。

提得一提頭盤嘅巴馬火腿配Burrata流心芝士,巴馬火腿的芳香和Burrata流心芝士的豐富奶香互相配合,口感豐富,能夠互相提升檔次。

意大利入口微醺手工啤 果味回甘

而餐廳嘅另一個賣點就佢哋喺意大利到入口嘅手工啤酒,只此一家。對手工啤酒有興趣嘅大家就真係唔可以錯過。店入面所售賣嘅手工啤酒同平時出面飲嘅啤酒有啲唔同,意大利手工啤入口冇太大嘅苦澀味,十分之容易入口。相信即使平時可能唔鍾意飲啤酒嘅人都會愛上。入口後都更有一陣淡淡嘅果味回甘。如果想感受一下微醺嘅大家就一定要試下啦。

最後叫上一杯意式提拉米蘇作結,為這場在 跑馬地 的 意大利晚餐 作一個完美嘅句號。

心動不如行動,睇完篇文之後而又心思思想去嘅話,就記得call埋班friend一齊去 跑馬地 chill返晚啦!

跑馬地 意大利餐廳推介 Cielos Cafe& Bar
地址:跑馬地 藍塘道4號地舖
G/F, 4 Blue Pool Road, Happy Valley