香港不單是個中西文化交匯的地方,更是匯聚世界不同文化之地,想一過「旅行癮」?其實有時不一定真的要走到外地,在香港也可以找到世界不同角落的足跡!

文:Doris @ D-Generation 社區創新大使計劃

佐敦 嘆 印度菜 感受異國風情

疫情已經有一段時間啦,唔知大家開始飛出香港未呢?小編最近一直搵緊本地印度菜嘅店鋪,印度筷子係其中一間唔少人都會推薦嘅食店,於是就去左朝一朝聖啦!

一入到鋪頭,望到環境上雖然唔係好寬闊但係有種好似小家庭嘅感覺!簡潔之餘又有印度風情,背景更播放住當地嘅歌曲,彷彿置身喺印度度食嘢!

當日小編點左一杯原味乳酪酸奶、馬拉盞炒通菜、泰式冬蔭公湯、同埋一個甜品-印式香草甜奶球。

佐敦 印度筷子 最驚喜的竟是 泰菜!?

小編覺得最有驚喜係泰式冬蔭公湯,佢好足料之餘,份量更加夠兩個人分。味道上,雖然平時少食醒辣嘢,但一飲,每一啖都好有層次感、清爽。而湯中嘅椰漿亦會平衡左酸辨味嘅強烈,非常開胃。如果大家鍾意酸辣清爽嘅菜式,咁印度筷子嘅泰式冬蔭公湯絕對值得一試!

另外,對小編黎講,印式香草甜奶球都係一個幾新奇嘅菜式。因為甜奶球會浸喺濃郁的奶香度,當放入口嗰時會享受到甜奶球外層嘅柔軟,入口即化,同時,又會感受到充滿濃郁嘅奶香味道,唔會太過甜膩。

唔知大家聽到呢度係咪已經心陏陏呢?如果係就唔好諗啦咁多啦~快啲去試下啦!

印度筷子
📌地址:佐敦官涌街19號地舖
#HK #hkfoodie #indianfood #hkindianfood #indianchopstick

放鬆身心  — 土耳其燈 工作坊 @ 觀塘

近年黎都有好多人通過參加唔同國家嘅傳統文化工作坊,去體驗一下其他國家嘅文化同習俗,而土耳其燈就係其中一個啦~今次就由小編同大家介紹下土耳其燈嘅歷史同香港邊度有得玩啦~

土耳其燈又名 土耳其馬賽克燈,來源靈感係黎自印尼蘇丹王宮嘅裝飾,已經有5000年嘅歷史。我地會喺扁扁嘅燈罩貼上形狀大小不一、顏色多變、晶瑩剔透嘅玻璃片,所以佢係一種手工藝。當完成之後,我地可以將佢放喺屋企做裝飾,或者當作係桌燈、吊燈等。放喺屋企可以帶來獨特嘅美感,仲可以營造出溫暖同浪漫嘅氛圍。佢嘅燈光既明亮又柔和,可以照亮成間房,令人覺得非常舒適同放鬆。如果你喜歡文化藝術品,咁可以考慮參加以下嘅土耳其燈工作坊!

📌Mosaic Art Studio
地址:九龍觀塘駿業裡8號世興大廈705
網址:https://www.mosaicartstudio.hk/zh/products/mosaic-lamp-workshop

📌 Bonart
地址:中環大館
網址:https://www.bonart-hk.com/mosaic-lamp/?lang=zh-hant
#handmade #turkishmosaiclamp #workshop #turkish #culture

圖片來源:作者、Pixabay