【旅人語】王若然：人生到處知何似？

「人生到處知何似，恰似飛鴻踏雪泥。」

Marcus 無啦啦拋出一句咁的宋詞出來，真係俾佢窒左窒，於是我問：「老兄，有咩咁睇唔開？」

「無丫，近排太忙，好似好有目標咁，但又唔知自己會去到邊，你明唔明呢種感覺？」

我明，我真係明。唔知係自己的性格都係咁，定係好多人都係咁。身邊總係有班朋友好多野想做，好多野都願意去試，最後搞到自己好忙，咩都做得唔夠好。咁點算好？減咁d野去，專心d，但好快又會唔記得左，之後又繼續一個咁的循環。

「你知唔知項羽點死？」我問 Marcus。Marcus一面惘然。呢個時候我呢個解籤佬又要出動啦。

「項羽係俾人老點死的。」

話說當時劉邦的漢軍三方包圍，搞到項羽四面楚歌，軍心渙散，開始逃離。後來項羽在陰陵迷路，於是就問路邊的農夫路，沒想到老農夫所指的路，讓項羽陷進沼澤，幾乎被劉邦軍隊追上，最後就選擇一死以謝天華。

呢個故事教訓我地d咩？你可以話係唔好俾人老點，但諗深一層，就係唔好好似項羽咁自負，以為自己咩都做到，如果唔係都唔會搞到咁的田地。

人生苦短，應何似？似咩都唔緊要，但又何必搞到自己咁緊呢？你話係唔係先。