「Averio,我朋友近排開左間新的素食店,我地下星期搵日上去試下。」

一般朋友叫到食飯,通常會睇咩人,但 Kia 姐叫到,就唔洗諗,一定去。Kia 姐早年搞過一個推廣素食的小組織,略有所成,近呢一兩年就開始搞佢其他projects,每次聽落都好有趣。

「中環,皇后大道中188號,9樓」

中環意大利菜素食店 vegan & mirror 餐單

近年愈來愈多人喜歡素食,無他的,健康之餘,對於環境的破壞也相對較少,雖然我王若然不是一個素食者,但偶爾一餐,當然樂意奉陪。

vegan 紅鏡子

今次這家素食餐廳以意大利菜作招徠,店名叫 Mirror & Vegan Concept,餐廳的佈置、餐飲上都花了些心思。例如話,呢度的 cocktail 就用左「鏡」來命名,我今次就點左紅鏡子,有紅莓、火龍果、青檸汁加少少vodka,酒味唔重,夠易入口。

mirror & vegan 湯

蘑菇湯都真材實料,睇得出店主有落心機去整;「肉醬意粉」的芝士用左red onion,有種特別的香味,可以替代原本的「肉味」。

mirror & vegan 肉醬意粉

食到差不多的時候就開始傾計,問下 Kia 姐近排有咩搞,佢話近排除左搞公司個綠色市集之外,重同朋友搞緊個 TEDx,又有d social project 搞緊。

「TED wor? 好多外國名人講果個TED?」

「係丫,TEDx event囉,我朋友拎左個 license 年底係香港大會堂搞,叫 TEDxChaterRoad。」

「唔記得同你講,我近排重幫緊間PR公司手,一個星期番2-3日,當係學下野。」

聽到呢度多多少少都有d羨慕,一個人到底要有幾大的上進心先可以同時做咁多件事?又或者,我地而家呢個世代,唔係咁樣努力去裝備自己,過多幾年,過多10年,個世界都唔知會變成點樣。可以搵到自己想做的野,係一種福氣,可以堅持自己想做的野,係更大的福份。或者過左好多年之後,我地會發現而家所做的野都係未見到成果,不過,肯去試肯去做,其實就已經係一個好好的開始。

我的 Facebook: https://www.facebook.com/wongyeuyin 剛剛開始,請大家多多支持。